Gnuss fir ä Hals und ds Gheer
Gägä 30 Üsschteller hent a zwee Tagä i dr Regel uber 60 Chäässortä fäil. Dr Umsatz isch normalerwiis zum Alüägä und gaht uber mehreri Tonnä. Und jedes Jahr wärdet diä beschtä Chääs premiärt. Drnäbt wärdet äü anderi Ürner Produkti verchäüft wiä eppä Fläischigs oder Filzprodukti. Äü fir Underhaltig isch gsorget: A beedä Tag schpiilet jewiils verschideni Läntlerformazionä üf. Und äs git äü äs Alpchääslotto.
Käis Wunder isch der Alass nit numä bi dr ihäimischä Bevelkerig beliäbt: Immer meh Uswärtigi pilgeret a Ürner Alpchääsmärcht, wo zumänä feschtä Beschtandtäil im Ürner Terminkaländer wordä isch.